Мөслимдә спорт сөюче гаиләләрне билгеләделәр

7 апрель көнне спорт мәктәбендә "Әти, әни һәм мин -спорт сөюче гаилә" спорт бәйрәме үтте. Бәйгедә спорт мәктәбендә шөгыльләнүче балалар һәм аларның әти -әниләре катнашты. Мөслимнән Бәдретдиновлар, Метрәй авылыннан Шәрифуллиннар, Дусай авылыннан Шакировлар, Олы Чакмактан Гариповлар гаиләсе төрле кызыклы уеннарда көч сынашты. Бәйге нәтиҗәләре буенча 1 нче урынга Ренат, Рәвилә, Рәфил Шарифуллинар гаиләсе чыкты. 2 нче урында - Наил, Марина, Булат Бәдретдиновлар гаиләсе. 3 нче урын Фәнис, Энҗе, Аида Гариповлар гаиләсенә бирелсә, 4 нче урынга Рәсхәт, Илсөяр, Мәрьям Шакировлар гаиләсе лаек булды. Барлык командаларга да мактау грамоталары һәм истәлекле бүләкләр тапшырылды. Ярышның баш хөкемдары -Гөлназ Гиздуллина.