Мөслимдә балаларның мәгълүмати куркынычсызлыгын тәэмин итү турында сөйләштеләр

Төрле ведомство вәкилләре катнашында узган чарада медиакиңлекләрдә балаларның мәгълүмати куркынычсызлыгын тәэмин итү, балигъ булмаганнар арасында үз-үзләренә кул салу очракларын профилактикалау юнәлешендә башкарылган эшләргә анализ ясалды.

ТР Премьер-министры урынбасары, балигъ булмаганнар белән эшләү һәм аларның хокукларын яклау буенча республика комиссиясе рәисе Васыйл Шәйхразиев балалар иминлеген тәэмин итүдә профилактика субъектларына конкрет бурычлар йөкләде.