Мөслим укытучылары республика спартакиадасында 3 урынны алды

18 февральдә Актаныш районының «Актаныш» спорт комплексында Татарстан мәгариф хезмәткәрләренең 2017 елгы Кышкы спартакиадасы финалы старт алды. Спартакиадада мең ярымлап кеше - 45 муниципаль районнан укытучылар, мәктәп директорлары, мәгариф бүлекләре һәм идарә җитәкчеләре, шулай ук мәгариф министрлыгы хезмәткәрләре катнашты. Алар чаңгы эстафетасы, тимераякта узышу (шорт-трек), хоккей, волейбол, өстәл теннисы, аркан тартышу һәм башка дисциплиналар буенча көч сынашты. Мөслим районы укытучылары командасы да биредә узган ярышларда катнашып, 3нче призлы урынны алып кайтты. Котлыйбыз һәм киләчәктә уңышлар телибез.