Мөслим районында буш торган, хуҗасыз ихаталарга һөҗүм башланды

“Соңгы арада Мөслим районында буш торган, хуҗасыз ихаталарга һөҗүм башланды. Островка, Тугаш, Карл Либнехт авылларындагы буш торган йортларга кереп, караклар вак-төяк әйберләр алып чыкканнар. Бүгенге көндә тикшерү эше бара. Йортыгызны бикләп, йозак элеп чыгып китү генә сезең мал-мөлкәтне угрылардан саклап кала алмый! Күршеләрегездән дә ихатагызга күз-колак булуларын сорагыз. Яшәгән өегезне озак вакытка калдырып чыгып китмәгез”, – дип хәбәр итә район эчке эшләр бүлегенең уголовный розыск бүлеге җитәкчесе Булат Җамалиев.