Морг ачылыр кебек

Тиздән Мөслимдә дә морг эшли башлаячак. Лицен­зия алу белән бәйле эшләр төгәлләнгәч, морг рәсми төстә ачылыр, дип көтелә.

– Һәркемнең дә мәетне шәһәргә алып барып ярды­ру, юл чыгымнарын күтәрү мөмкинлеге юк. Ә районда бу төр хезмәт – мәетне яру түләүсез башкарылачак, – ди район үзәк хастаханәсе баш табибы Данияр Якупов.

2017 елның җәендә рай­онда морг төзелде. Бер кат­лы модульле бина район хастаханәсе территориясендә урнашкан. Моргта Минзәлә шәһәр хастаханәсе патоло­гоанатомы Николай Швец эшләячәк. (Минзәләдә морг 2019 елның гыйнварыннан бирле эшли). Киләчәктә район поликлиникасыннан берәр табибны патологоанатомга укыту күздә тотыла.

– Бина республика бюд­жеты хисабына сафка басты. Мәйданы 118 квадрат метрлы бинаны Азнакайның “Нефте­маш” оешмасы төзеде. Терри­торияне төзекләндерү, койма тоту, су кертү, канализация һәм башка эшләр өчен сред­стволар муниципаль бюджет­тан бүлеп бирелде, – ди по­ликлиника мөдире Илгиз Ла­тыйпов. – Халык җирләү бю­росы булдыруны да сорый. Әлеге мәсьәләне хәл итүне дә күз алдында тотабыз.

Па т о ло г о а на т оми я бүлегендә хастаханәдә яисә өендә үлгән мәетләргә тикшерү үткәреләчәк. Тик искәрмә бар – үтерелгәннәрне тикшерү Яр Чаллы шәһәренең тикшерү комитеты тарафын­нан башкарылачак.

– Әбиебезне җирләр өчен өч көн көттек. Башта Азна­кайга җибәрделәр, анда чират дип, Әлмәт шәһәренә киттек. Кешенең, үлгәч тә, кадере юк, дип кайттык. Машина табу да кыен. Бу төр хезмәт үзебездә башкарылса, бик яхшы булыр иде. Морг ачылса, чит район­нардан да килүчеләр дә бу­лыр әле. Морг эшләсен, тик вафат булучылар саны әз бул­сын иде. Үләсе килми бит! – ди райондашыбыз Зөлфия Вәлиева.

Заманча технологияләр нигезендә эшләнгән һәм өр- яңа җиһаз-җайланмалар ур­наштырылган морг, сани­тар-норма таләпләре буен­ча нәтиҗәләр билгеле бул­гач, эшли башлаячак. Бәлки, быел ук эшли башлар. Туу­чылар әз булса да, үлүчеләр байтак бит.

Лилия Шәймиева.