Минтимер Шәймиев Татарстанның Дәүләт суверенитеты турында декларацияне ничек кабул итүләрен искә төшерде

Республика Көнен бәйрәм итү турында Татарстанның беренче Президенты Минтимер Шәймиев сөйләде. Ул дәүләт суверенитеты турында Декларацияне кабул итү бик мөһим сәяси вакыйга дип саный.
ТР Дәүләт Киңәшчесе искәртеп узганча, башта декларацияне Россия кабул иткән, бу 1990 елның 12 июнендә булган.
"Шул ук елны, 30 августта, Татарстан кабул итте. Чөнки без барыбыз да моңа мохтаҗ булдык һәм бу вакыйганы көттек. Без алга таба үсеш өчен сәяси яктан гына түгел, ә хуҗалык итүче субъектлар буларак та, үз ресурсларыннан файдалану һәм илнең башка төбәкләре (ул чакта Советлар Союзы) белән генә түгел, ә чит илләр белән дә элемтәләр урнаштыру өчен хокуксыз булдык. Гадәттә, безгә республикалар, крайлар һәм өлкәләрнең мөмкинлекләрен ачу өчен һава җитми иде. Россия үзенең хокуксызлыгы, алга таба болай дәвам итә алмавы турында беренче булып белдерде. Татарстан икенче булды. Декларацияне кабул итү акланган адым булды. Башка юл юк иде", - диде Татарстанның беренче Президенты.