Милекне ничек сакларга?

Соңгы вакытта гражданнарның күчемсез милеге мошенникларның игътибарын җәлеп итә башлады. Проблема бик актуаль. Бигрәк тә бу җинаятьчеләрнең хәйләләренә дучар булган өлкән яшьтәге кешеләргә кагыла. ТР Росреестры вәкиле Марс Баһауов белән шул хакта сөйләштек.

– Марс Рәисович, күчемсез милек белән бәйле мошенниклыкның нинди схемалары очрый?

– Бу – телефон аша мошенниклык. Кешеләргә билгесез затлардан шалтыратулар килә, алар мошенникларның үзләренең күчемсез милекләрен үзләштерергә теләүләре турында хәбәр итә. Шалтыратучылар үзләрен Росреестр яки хокук саклау органнары хезмәткәрләре дип таныштыра һәм аферистларны тотуда ярдәм тәкъдим итәләр. Шул ук вакытта милекчегә үз күчемсез милкен яклау максатыннан ул аны сатарга тиеш, диләр. Күптән түгел мондый очрак Мәскәүдә булды. Пенсионерга шалтыратып, билгесез ир-ат аның фатирыннан файдалана алачак, чөнки аның ышаныч кәгазе бар, диләр. “Аферистларны” тоту өчен хатын-кызны фатирын сатарга күндерәләр. Нәтиҗәдә ул җинаятьчеләргә 17 миллион сумнан артык акча биргән.

– Бу очракта нишләргә киңәш итәр идегез?

– Исегездә тотыгыз: Росреестр хезмәткәрләре беркайчан да милек ияләренә мондый тәкъдим белән шалтыратмый. Әгәр сезгә кинәт шундый шалтырату килсә, кичекмәстән хокук саклау органнарына хәбәр итәргә кирәк. Җинаятьчеләрнең корбаны булып чит кешеләргә аеруча ышанучан һәм өлкән яшьтәге кешеләр тора.

Тулырак «Авыл утлары» газетасының 2025 ел өчен 14 февраль саныннан укыгыз.

Фото – «Мөслим-информ» архивыннан