Мидхәт Шаһиәхмәтов: хәзер безнең бурыч — ихтыяҗны стимуллаштыру

Татарстанда икътисадны җанландыру өчен ихтыяҗны стимуллаштыру мөһим. Бу хакта ТР икътисад министры Мидхәт Шаһиәхмәтов хәбәр итте.
Әлеге мәсьәләне хәл итү кысаларында республика маркетинг үзәге булдырылды. Аны предприятиеләргә һәм муниципалитетларга эчке ихтыяҗны стимуллаштыру инструменты буларак тәкъдим иттеләр.
«Гади генә әйтсәк, заказ бирүче һәм тәэмин итүче керә торган мәйданчык бар. Барлык закон таләпләрен үтәгәндә аларның бер-берсен табулары мөһим. Бүген мисаллар бар: 3,5 меңнән артык предприятие бу мәйданчыкта эшли инде. Алар 28 млрд. сум тирәсе акча эшләгән инде", - диде Шаһиәхмәтов.