Мәдәни чаралар күңелне баета

Виртуаль карта турында сүз бара. Хөкүмәт быел Пуш­кин картасына – 3 мең сум, 2022 елда 5 мең сум сала­чак. Картадан 14-22 яшьтәге яшьләр файдалана ала. Картаның төп үзенчәлеге: акчаны бары тик музейлар­га, театрларга һәм концерт залына бару өчен тотарга була. Билетлар махсус шушы карта белән алына. Г.Тукай исемендәге Мөслим урта мәктәбендәге паспорт алган һәр укучы әлеге проектка ку­шылды.

Тормышыбызда яңалыклар күп кеше тарафыннан авыр ка­бул ителә. Баштагы мәлне карта ачу кыенлыклар тудырды. Без укучылар белән бу каршылы­кларны җиңеп чыктык. Безнең сыйныфта бар укучы да паспорт алмаган, шунлыктан ике бала картасыз калды. Тагын шуны­сы бар: бу картадагы акчаны яңа елга кадәр тотып бетерергә кирәк!

Районыбызда булган мәдәни учреждениеләр атна саен төрле чаралар әзерли. Ә без укучылар белән дәресләрдән соң әлеге ча­раларга барабыз. Көндәлек ре­жимдагы үзгәрешләр авыр ка­бул ителде. “Барасы килми”, “Нигә кирәк”, “Миңа кирәк түгел” кебек сүзләр дә күп ише­телде. Дөресен әйтим, үзем дә шундыйрак фикердә идем. Ләкин, укучылар белән бергәләп әлеге чараларга йөри торгач, миңа да, балаларга да ошый башлады. Күңелемә бик нык ке­реп калганнары белән уртакла­шасым килә.

18 октябрьдә район мәдәният йортында Зифа Басыйрованың шәхси тор­мышына багышланган кичә булды. Музей хезмәткәре Йолдыз Зәкиева күренекле якташыбызның башыннан кичкәннәрне, хисләрен күз яшьләре аша сөйләде, Зифа Басыйрованың җырларын тыңлатты. Бик күңелле, үтемле чара булды ул.

28 октябрьдә район үзешчәннәре тарафыннан юга­ры дәрәҗәдә әзерләнгән “Көзге моңнар” исемле бер сәгатьлек концерт булды. Залның ярым­буш булуы гына күңелебездә авыр тәэсир калдырды. Һәр җыр безгә багышланган кебек булды, хисләнеп, чын йөрәктән рәхмәт әйтеп, кул чабып утыр­дык.

Актаныштан килгән “Агый­дел” дәүләт җыр һәм бию ансамбленең концертының ни дәрәҗәдә рухи байлык, ләззәт биргәнен язып тормыйм. Уку­чылар белән берлектә янәдән җыр-моң дәрьясында булып кайттык.

Ә фикерләремне язарга этәргеч булган чараларның берсе – Әниләр көненә багыш­ланган “Иҗатлы тормыш” үзәк китапханә хезмәткәрләре та­рафыннан оештырылган иде. Очрашуга шигырь язучы рай­ондашларыбыз килгән иде. Бе­ренче булып Лилия Шәймиева тормыш юлы белән таныш­тырды һәм мәхәббәт турын­да шигырьләрен укыды. Си­нара Яббарова һәм Эльви­ра Гәрәева якташларыбыз Шәмсия Җиһангирова, Харрас Әюп шигырьләрен сөйләделәр. Рүзәл Минһаҗев чыгышы кичәне тагын да җанландырды. Уен-көлке яратучы, гел яңалык эзләүче Рүзәл берсеннән-берсе матур, эчтәлекле шигырьләрен сөйләде. Кунаклар белән кызы­клы әңгәмә дә кордык. Гомумән алганда, шигърияткә багыш­ланган әлеге чарадан, күңелебез булып, хисләнеп кайттык.

Язмамны йомгаклап шуны әйтәсем килә: укучылар әдәби чараларга күбрәк игътибар бирсәләр, рухи яктан ныгырлар һәм эчке дөньялары да күпкә ба­ерак булыр иде.

Йолдыз Әсадуллина,

Г.Тукай исемендәге Мөслим урта мәктәбе укытучысы.