Майчабу: атна буе коймак ашыйбыз да, гафу сорыйбыз!

Бу атнада районыбыз православныйлары Майчабуны бәйрәм итәләр. Бөек ураза алдыннан билгеләп үтелүче Майчабуның һәр көне билгеле бер исем астында уза. Ә атнаның соңгы көне - Гафу итү якшәмбесе, кешеләр анда бер-береннән кичерү сорыйлар. Элек-электән бу бәйрәмдә халык бергәләп күңел ачкан, чана шуган, бер-берсенә кунакка йөргән. Майчабуның традицион һәм иң тәмле сые - коймак. Аны күп төрле ысуллар, төрледән-төрле эчлекләр белән әзерлиләр. Бу атнада кешеләр кыш белән саубуллашалар, яман гадәтләр символы булган карачкыны яндыралар, язны каршылыйлар.