Лотереяга әйбер отсаң

Физик затлар 15 мең сумга ти­гез яисә арткан һәр суммадан отыш рәвешендә керем алган очракта лотерея операторлары яисә таратучылары һәм букме­кер контораларында һәм тота­лизаторда үткәрелүче отышлы уеннарны оештыручылар са­лым агентлары булып исәпләнә. Нәкъ менә аларга физик затлар кеременә салымны исәпләү һәм тотып калу йөкләнгән, дип хәбәр итәләр ТР буенча Россия Феде­раль салым хезмәтенең 11 санлы районара инспекциясеннән.

Әгәр отыш әлеге суммадан артмаса, гражданнар салымны мөстәкыйль рәвештә түли. Бу хакта РФ салым кодексының 228 маддәсе 5 пунктында язылган.

РФ Салым кодексының 217 маддәсе 28 пункты нигезендә 4 мең сумнан артмаган отышларга салым салынмый. Ягъни ел дәвамында отышлар бәясе әлеге суммадан ар­тмаса, НДФЛ түлисе һәм 3-НДФЛ бу­енча декларация тапшырасы юк.

Димәк 4 мең сумнан күбрәк һәм 15 мең сумнан азрак суммада төрле отыш рәвешендә керем ал­ган салым түләүчеләр керем сум­масын декларациядә күрсәтергә һәм 3-НДФЛ формасы буенча де­кларацияне 2022нче елның 30 апреленнән дә соңга калмыйча тапшырырга тиеш. Быел деклара­цияне тапшыруның соңгы көне – 2022нче елның 4 мае. Физик затлар кеременә салымны 2022нче елның 15 июленә кадәр түләргә кирәк, диләр ТР буенча Россия Федераль салым хезмәтенең 11 санлы райо­нара инспекциясе хезмәткәрләре.

Кыйммәтле призлар: автомобильләр, электроника яисә туристик юлламалар белән үткәрелгән реклама акцияләре уеннарындагы призларга салым 35 процентлы ставка буенча салы­на. Реклама акциясен оештыручы отышны түләгәндә салымны то­тып кала. Приз натураль форма­да булганда оештыручы тотылма­ган салым хакында акциядә кат­нашучыга һәм салым органна­ры хакында хәбәр итә. Җиңүче салымны белдерү кәгазе буенча түләргә тиеш, дип хәбәр итәләр ТР буенча Россия Федераль салым хезмәтенең 11 санлы районара инспекциясеннән.

Мөнирә Арсланова.