Әле арта, әле кими – бәяләр нигә уйный?

Соңгы вакытта шикәр ко­мына, ит, икмәк кебек про­дуктларга бәяләр арта дип зарланучылар күзәтелә. Сөт продуктларына, бигрәк тә сыр һәм акмайга бәя күтәрелә, дип борчылучы­лар да бар.

– Бәяләр көн дә арта кебек. Һәм моңа бернинди дә кон­троль булмавы борчый. Кичә генә 1 килограмм шикәр ко­мын 38 сумга сатып алган идем. Бүген 900 граммлы­сын 72 сумга күреп шаккат­тым. Мөслим кибетләренең төрлесендә төрле бәя күзәтелә. Тавык түшкәләренең дә хакы арткан, диделәр. Бу бәяләрне берәр вакыт йөгәнли алырлар микән? – ди райондашыбыз Әнвәр Харисов.

Сер түгел: бәяләр арта. Са­тып алучылар моны күп ва­кыт белми-сизми кала. Нин­ди төр товарларга бәя артуын белү өчен ТР Дәүләт алкоголь инспекциясенең Түбән Кама территориаль органы өлкән белгече Алина Виноградова кибетләрдә даими монито­ринг уздыра.

– Мөслим кибетләрендә һәр товарга бәя күтәрелгән дип әйтергә була. Сырның бер килограммы бүген якын­ча 1600 сум тора. Акмай 450 сумнан артык. Сыер һәм кош итләренә дә бәяләр күтәрелгән. Карабодайның ки­лограммын 136 сумнан сат­кан кибетләр бар. Бәя артма­ган азык-төлек исемлегендә макарон эшләнмәләре һәм чәй генә, дип әйтер идем, – ди Алина Виноградова.

Мөслимдә зур сәүдә нок­талары ачылгач, халык бик сөенде. Шәһәр кибетләрендәге кебек кирәкле товарларны үзе сайлап алырга тиз өйрәнде. Халык азык-төлекне тотып карый, сыйфатын тикшерә, яраклылык вакытын да үзе исәпләп чыгара ала. Шулай да бәяләрнең “төбенә” һаман төшеп бетеп булмый әле. Еш кына казылыкның 100 грам­мы өчен күрсәтелгән бәяне бер таяк казылык өчен дип уйлап, кәнфитнең 100 грам­мы өчен язылган сумма­ны бер килограмм өчен дип уйлап ялгыша халык. Ча­гыштырып карасаң, кайбер шәхси кибетләрдә бәяләр су­пермаркетлардагыга кара­ганда чагыштырмача арзан булып чыга. Соңгы араларда бу йомырка бәяләрендә, сыр­да ачык чагыла. Балалар яра­тып ашый торган “киндер- йомырка”лар, натураль со­кларга да бәя кискен аерыла.

– Мин – күпбалалы әни. Азык-төлек алыр өчен авыл­дан район үзәгенә еш киләбез. Хөкүмәт сөт, пюре, ботка ке­бек балалар ризыкларына ха­кларны азрак киметсә, әйбәт булыр иде. Ярый әле кечкенә балалар өчен ай саен, әз булса да, пособие килеп тора. Ул да озак куанычлы түгел: балага яшь ярым булуга туктатыла. Пенсия акчасына гына карап торучыларның кесәләренә дә кибетләрдәге бәяләр нык су­гадыр ул, – ди Баек авылын­да яшәүче Эльвира Солтанова.

Бәяләр тиздән тотрыклы булачак, дип ышандыра ил җитәкчелеге. Россиянең кри­зиска каршы комиссиясе зур сәүдә челтәрләрендә социаль яктан әһәмиятле товарларның 20 төренә бәяләрнең үзгәрмәячәген хәбәр итә. “Сәүдә челтәрләре социаль яктан әһәмиятле товарларга бәяләрне билгели һәм ике ай дәвамында шул дәрәҗәдә са­клый. Товар җитештерүчеләр бәяләрне киметә икән, кибетләр дә әлеге бәяләрне киметергә тиеш булачак”, – ди Алина Виноградова.

Иң мөһиме: әлеге про­дукция Россия хөкүмәте та­рафыннан билгеләнгән со­циаль әһәмияткә ия товар­лар исемлегенә кергән бу­лырга тиеш. Билгеле бул­ганча, андый продукция рәтендә икмәк, сөт, он, ак­май, көнбагыш мае, чәй һәм йомырка кебек азык-төлек исәпләнә. Дәүләт күпләп һәм берәмләп сату тармагында­гы бәяләрнең дә контрольгә алыначагын хәбәр итә. Үз белдекләре белән күрәләтә бәя арттыручылар штрафка тартылачак. Штраф күләме дә саллы – бер миллион сумнан артык!

Лилия Шәймиева.

Автор фотосы.