Көзге чакырылыш дәвам итә

Чираттагы озату кичәсендә районыбызның 4 егете: Илназ Галимәрдәнов (Катмыш), Никандр Петров (Яңа Усы), Ленар Залилов (Мөслим), Илсур Кирамов (Вәрәш Баш), армия – тормыш мәктәбен үтәргә юл тотты.

– Туган җирне саклау – һәр ир-егетнең изге бурычы. Кая гына булсагыз да, үзегезнең туган җирегезне, мөслимлеләр икәнегезне онытмагыз. Сез – районыбызның йөзе. Намус белән хезмәт итеп, исән-сау әйләнеп кайтыгыз, - дип егетләргә районыбызның яшьләр һәм спорт бүлеге җитәкчесе Илшат Яббаров үгет-нәсихәтләрен җиткерде.