Космонавтлар белән туры элемтәгә чыктылар

Мөслим гимназиясе укучылары Халыкара космос станциясе космонавтлары белән туры элемтәгә чыкты.

10 минутлык радиоэлемтә сеансы вакытында укучылар космик станциядә туклану, космонавтларның көнкүреше- тормышлары, космонавтиканың киләчәге турында сөйләште. Укучыларның сорауларына командир Дмитрий Петелин җавап бирде.

Чараны оештыруда катнашкан Азнакай радиостанциясе җитәкчесе Ринат Вәлиев үзенең чыгышында: "Астрономия белән кызыксынучылар булуы сөендерә!" – диде.

Г. Җәлилова, Рәмилә Сәләмова фотолары