Хәлләр шәптән түгел...

Ел башыннан районда 67 кешегә “Ковид-19” диа­гнозы куелган, шуларның 14е якты дөнья белән хуш­лашкан. “Якты дөньядан китүчеләрнең күбесе – пен­сионерлар”, – ди табиблар. Яр Чаллы шәһәренең йогыш­лы авырулар хастаханәсендә җиде райондашыбыз ята. Рай­он хастаханәсенең терапия бүлегендә 31 кеше дәвалана.

– Авыручыларның күбесе вакцинация ясатмаган. При­вивка коронавирустан сакла­ну өчен кирәк, шуны онытма­гыз! – ди поликлиниканың йогышлы авырулар кабине­ты шәфкать туташы Гөлнар Кәримова.

Моңа кадәр яңа төр авы­ру, беренче чиратта, өлкән яшьтәгеләрне һәм шикәр авырулы кешеләрне аяктан ега, ә яшь-җилкәнчек авыру­ны җиңел үткәрә, дип ышан­дык. Коронавирус балалар­га йокмый, дигән фикерне дә күп ишетергә туры килде. Әмма бүген балалар арасын­да да авыручылар күп.

– Коронавирус тарал­ган мәлдә балалар авы­руны, өлкәннәр белән ча­гыштырганда, җиңелрәк кичерделәр. Галимнәр моны, балалар борынындагы лай­лалы системаның җитәрлек дәрәҗәдә үсеш алмавы сәбәпле, вирусның берегә алмавына бәйләде. Балалар­да “Ковид-19” ашказаны- эчәк тракты эшчәнлеге бо­зылуга охшаш симптом­нар рәвешендә күренә. Шу­лай ук бизгәк тоту, ютәл һәм мускулларда авырту күзәтелергә мөмкин. Аерым риск төркеменә хроник авы­рулары булган һәм инвалид балалар керә, – ди районның баш табибы Данияр Якупов.

Табиблар 1 яшькә кадәрге балаларны да куркыныч яна­ган категориягә кертә, чөнки нәниләрнең иммун система­сы аз үсеш алган.

– Районда вируслы пнев­мония белән авыручылар күп. Шуны күздә тотып, рай­он хастаханәсендә йогышлы авырулар өчен 25 урын бул­дырылды. Август уртасын­нан бүгенге көнгә кадәр 29 авыру дәваланды. Аларның күбесе кислород терапиясенә мохтаҗ. Көн саен 15ләп кешегә “үпкә ялкынсынуы” диагнозы куела. 2019 елга кадәр елына якынча 150- 200 кешедә үпкә ялкынсы­нуы ачыклана иде. Узган ел бу күрсәткеч 1 меңнән артып китте. Быел шушы вакытка кадәр 750 кешегә “пневмо­ния” диагнозы куелды. “Ко­вид-19” авыруы барлыкка килгәнче, үпкә ялкынсы­нуы белән авыручы бер-ике кешегә генә кислород кирәк була иде. Бүген хастаханәнең терапия бүлегендә яту­чы 31 авыруның 13е кисло­родка тоташтырылган, – ди поликлиниканың участок та­бибы Рамил Морзаханов.

Табиблар: “Авырудан ко­тылу юлы бер – вакцина­ция”, – дигән фикердә. 27 сентябрьгә кадәр район хастаханәсендә коронавиру­ска каршы 8100 доза вакцина ясалган. 17 сентябрь көнне (бер көн эчендә!) 61 район­дашыбыз коронавируска кар­шы прививка ясаткан.

4 сентябрьдән район по­ликлиникасында гриппка каршы вакцина да ясала баш­лады. План буенча гриппка каршы вакцина 11250 кешегә ясалырга тиеш. 2900 дозада кайткан вакцинаның 2710сы ясалган. Шушы көннәрдә поликлиникага тагын 1500 данә “Ультрикс Квадри” вак­цинасы кайтыр, дип көтелә. Коронавируска һәм гриппка каршы вакцина ясаткан оч­ракта, ике вакцинация ара­сында төгәл бер ай вакыт үтәргә тиеш.

– Хастаханәнең бала­лар бүлегендә үпкә ялкын­сынуы белән төрле яшьтәге биш бала ята. Чир беркемне дә аямый. Сәламәтлегегезгә битараф булмагыз! Поликли­никада коронавируска кар­шы ике төрле вакцина яса­ла. Өлкәннәр, нигәдер, “Ко­виВак” вакцинасын сорый. Тик бүген әлеге препаратны чыгаручы заводта модер­низация бара. Алга таба бу төр вакцина да кайтыр, дип ышанабыз, – ди Данияр Яку­пов. – 60 яшьтән өлкән 5331 кешегә вакцина ясалырга тиеш. Бүгенгә өлкән яшьтәге 1908 райондашыбыз привив­ка ясаткан.

Лилия Шәймиева.