Хезмәт тәме

Театр түгәрәге – сәләтле балаларны барлау, аларның иҗади фикер йөртүен үстерү буенча дәрестән тыш эшләрнең иң нәтиҗәле фор­маларыннан берсе. Туган те­лебез искиткеч бай, матур, аһәңле. Аның бөтенлеген, сәнгатьле сурәтләү чараларының үзенчәлекләрен драма әсәрләрен өйрәнеп, уй­нап караганда танып була. Мәктәбебездә сәнгатьне сөюче балалар бик күп. Театр түгәрәге дә күп еллар алып барыла. Театр сөюче бала­ларны сайлап алып, аларның теләк-хыялларын истә тотып эшләү уңышлы башкарыла. Түгәрәктә сәхнә серләренә төшенү, тамашачылар ал­дында үзеңне тотарга өйрәнү бурычлары куела. Соңгы ел­ларда укучылар белән Ну­рихан Фәттахның “Энҗеле үрдәк” әкият-тамашасын сәхнәләштердек. Укучы­лар Нияз Нургалиев, Динар Шәймөхәммәтов, Зәйнәп Са­битова, Гүзәл Замалова, Нәфис Шәймәрданов рольгә кереп, бик үзенчәлекле итеп уй­надылар. Балаларның хан­нар яшәгән вакытны ача алулары кызыклы булды. Әлеге спектакль белән Ту­фан Миңнуллин исемендәге VI республикакүләм фәнни- гамәли конференциядә при­зёр булдык.

Укучыларыбыз Аза­лия Вәлиева, Адилә Галимо­ва, Зөлфия Хафизова, Лан­дыш Сабирова, Илназ Мор­заханов, Анжелла Кинарская, Рәзилә Нуретдинова, Камилә Минһаҗева Фоат Садриевның “Ягез әле, кызлар” әсәреннән өзек сәхнәләштерде. Нәтиҗәдә “Театр театр инде” дип атал­ган VII республикакүләм конкурсында призёр бул­дылар. Укучыларыбыз мөмкинлекләрен тулысынча күрсәтә белә димәк. Хезмәтнең нәтиҗәсе бар!

Миргазиян Юнысның “Шәмдәлләрдә генә утлар яна” әсәреннән өзек сайлап, бала­лар белән шуны өйрәндек. Бу өзекне сәхнәләштерүдә Аза­лия Хафизова, Зәйнәп Юл­дашева да катнашты. Аза­лия мөнәҗәтләрне бик ма­тур җырлавы белән таң кал­дырды. Азалия башкаруын­да мөнәҗәтне “Татар теле һәм әдәбияты дәресләрендә функ­циональ грамоталылык фор­малаштыру һәм универсаль уку гамәлләрен бәяләү” дип аталган методик семинарда да күрсәттек. Телчеләр яшь артистларга югары бәя бирде.

Театр түгәрәгенә йөрүчеләр белән шөгыльләнгәндә укучылар­ны балалар шагыйрьләре, аларның әсәрләре белән тирәнрәк таныштыру, китап­ка мәхәббәт уяту максатын да алга куябыз. Укучылар шигырьләр, чәчмә әсәрләр, мәсәлләр укырга өйрәнеп, аны сәхнәдә күрә, тыңлый, ишетә белү күнекмәләрен үстерәләр. Түгәрәккә йөрүче укучылар югары­да күрсәтелгән белем һәм күнекмәләрне камилләштерә, татар теле, әдәбияты, рәсем, җыр сәнгате, уеннар һәм сәхнә әсәрләре бәйләнештә бирелә. Дәресләр халкыбызның гореф-гадәтләрен, әдәбиятын, мәдәниятен өйрәнүгә нигезләнә. Сәнгатьле сөйләм формалаштырганда балаларга белемне эшкәртү һәм үз караш­ларын билгеләү мөмкинлеге дә бирелә. Моның өчен теат­рлаштырган шөгыльләр әйбәт чара булып тора. Алар әхлак тәрбиясе бирергә, коммуни­катив шәхес формалашты­рырга, күзалларга, фантазия, инициатива күрсәтергә, фи­кер йөртергә ярдәм итә. Теат­рлаштырган шөгыльләр аша балалар әйләнә-тирә белән таныша, яңа хисләр, белем- күнекмәләр, зәвык һәм әхлак тәрбиясе ала.

Яшь буынны халкыбыз традицияләре үрнәгендә тәрбияләү – мөһим бурычларның берсе. Үз теленә, милләтенә, мәдәниятенә хөрмәт белән караучы бала башка милләт вәкилләрен, аларның гореф-гадәтләрен дә ихтирам итәчәк.

Гөлчәчәк Даутова,Г.Тукай исемендәге Мөслим урта мәктәбе укытучысы.