Халыкны борчыган проблемалар юк

Мәлләтамак авыл җирлеге Нарат Асты һәм Мәлләтамак авылларын берләштерә. Җирлектә барлыгы 609 кеше яши.

Узган ел биредә үзара са­лымны һәр кешедән 700 сум күләмендә җыйганнар. Авыл халкы быел да шушы ук күләмдә җыярга теләк белдергән.

– Узган ел без үзара салым средстволарын 100 процент күләмендә җыя алдык. Бар­лыгы 300 мең сум күләмендә акча тупланды. Бу акчага Мәлләтамак авылының Коопе­ратив урамыннан алып Тукай урамына кадәр 1200 метр арада – елга аркылы яңа торбалар са­лып, су чыгардык. Җәйлектә су халыкның үзәгенә үткән про­блемага әйләнгән иде. Шул рәвешле без мәсьәләне хәл итә алдык. Мәлләтамак авы­лындагы күпфатирлы ике кат­лы йортның да су системасы эшләнде. Су басымын тоткар­лап торган иске су торбалары яңага алыштырылды. Ике таш­ландык ихата профнастил кой­ма белән әйләндереп алынды, – ди Мәлләтамак авыл җирлеге башлыгы Хәмзә Хөсәенов.

Җирлектә халыкка башлан­гыч мәктәп, балалар бакчасы, мәдәният йорты, кибет, почта бүлекчәсе, фельдшер-акушер­лык пункты хезмәт күрсәтә. Башка авыл җирлекләреннән аермалы буларак, Мәлләтамак авыл җирлегендә мәктәпкәчә яшьтәге сабыйлар саны шак­тый. Бүген бакчага 18 нәни йөри, мәктәптә 9 бала белем ала.

– Авылда фельдшер булма­вы иң борчыган мәсьәләләрнең берсе иде. Көзен авылның фельдшер-акушерлык пун­ктына фельдшер билгеләнде. Без бу хәбәрне бик сөенеп кабул иттек. Фельдшерыбыз Рәмзия Виноградова – тәҗрибәле бел­геч, аның хезмәтеннән без бик канәгать. Рәмзиябез Нарат Асты авылы медпунктында да эшли, – ди Рәмзия Бакиева.

Кечкенә генә Мәлләтамак авыл җирлегендә биш (!) зират бар. Бу җәйдә башкорт зиратын койма белән әйләндереп ал­ганнар. Алдагы елда үзара са­лым акчасы хисабыннан Нарат Асты авылындагы зиратны да тәртипкә китерергә планлаш­тыралар. Зиратны әйләндереп алу өчен сетка, баганалы­клар хәстәрләп куелган инде. Авыл халкы зиратны, урман­га әйләнгән иде, дип искә ала. Үзара салым акчасының 60 мең сумы зираттагы карт агачлар­ны кисүгә, территориясен чүп- чардан арындыруга тотылган.

– Безнең җирлектә эш сөючән халык яши. Яшьләр һәр башлангычны күтәреп ала. Үзешчәннәр концертын­да, район буенча үткәрелгән бәйгеләрдә дә сынатмыйбыз. Җирлегебездә яшәүчеләр яңа максатлар, уй-хыяллар белән яна. Икенче елга авыл халкы Мәлләтамак авылының Кол­хоз урамына су кертүне көтә. Су проблемасы шуның белән төгәлләнер дигән өмет бар, – ди Әнвәр Садриев.

М ә л л ә тамак авыл җирлегендә 5264 гектар­да авыл хуҗалыгы җирләре исәпләнә. Шуның 3216 гек­тары – пай җирләре. 2003 ел­дан бирле эшләүче “Туган як” агрофирмасы 334 пайчыны берләштерә. Бүгенге көндә аг­рофирмада җирлектән 15 кеше хезмәт куя. “Гыйздәтов” кре­стьян-фермер хуҗалыгы 115 гектар җирдә бөртекле куль­туралар һәм печән үстерә. На­рат Асты авылында Илһам Шакировның крестьян-фер­мер хуҗалыгы кошчылык юнәлешендә эшли. Бүген ул йомырка тавыклары һәм каз­лар үстерә.

– Авылдашыбыз Раил Сираев калай эше белән ш ө г ы л ь л ә н ә. Ру ш а д Рөстәмовның төзелеш оешма­сы районыбызда күп кенә би­наларны яңартуда, яңа объ­ектлар төзүдә актив эшли. Мәлләтамакта стоматоло­гия кабинеты да эшли. Авыл­дашыбыз Гаяз Әхмәтҗанов үз йортында стоматология бүлмәсендә авыруларны кабул итә, – ди Хәмзә Хөсәенов.

Авылларда юлларга теш-тел тидеререлек түгел. Җирлектә юлларны даими карап торалар. Барлык урамнарга да гравий түшәлгән. Халыкны борчыган су мәсьәләсе дә икенче җәйгә чишелеш табар дип ышанды­ра җирлек башлыгы.

Лилия Шәймиева.

Фото – Мәлләтамак авыл җирлеге архивыннан.