«Карлыгач»та – Песнәкләр көне

Балалар песнәкләрнең ни өчен кышлаучы кошлар дип аталуын, аларга нинди җим салырга яравын һәм салкын көннәрдә кошларга ничек ярдәм итеп булуын белделәр. Табышмаклар чиштеләр, рәсемнәр карадылар, уеннар уйнадылар һәм кошларны күзәткәндә ниләр күргәннәрен сөйләделәр.

Чара ахырында балалар җимлекләргә җим салдылар һәм аларны бакча ишегалдына урнаштырдылар. Хәзер песнәкләр һәм башка кышлаучы кошлар бирегә җим чүпләргә килә ала.

Фотолар – "Карлыгач" балалар бакчасыннан.