Кагыйдә бозу очраклары ачыкланды

Мөслим һәм Сарман районнары буенча янгын күзәтчелеге бүлеге Мөслимдәге өч мәчеттә һәм Иске Карамалы авылы мәчетендә планлы тикшерү үткәрде. “Янгын куркынычсызлыгы таләпләренең үтәлешен тикшергән вакытта мәчетләрдә кагыйдә бозу очраклары да ачыкланды. Аларны төзәтү өчен вакыт бирелде. Имам-хатыйплар өчен инструктаж үткәрелде, иминлек кагыйдәләре турында әйтелде”, – дип хәбәр итә бүлекнең өлкән инспекторы Илнар Идиятов.