Каенсазга – 120 ел!

Авылның 120 еллы­гы уңаеннан оештырыл­ган бәйрәмгә күрше авыл­лардан, ерак шәһәрләрдән килүчеләр дә бар иде. Бәйрәмдә катнашкан рай­он башлыгы урынбасары Азат Әхмәтҗанов Крәш. Шу­ран авыл җирлеге башлыгы Радик Сафиуллинга район башлыгының Рәхмәт ха­тын, истәлекле бүләк тап­шырды.

Әйтергә кирәк, Радик Са­фиуллин – авыл җирлекләре башлыклары арасында иң өлкәне һәм бу вазыйфа­да иң озак хезмәт куйган җитәкчеләрнең берсе.

– 20 ел дәвамында җирлек халкы белән кулга-кул то­тынып, дус, тату яшибез. Каенсазның матур үткәне бар. Авылга 1902 елда Иске Айман, Пучы авылларын­нан килгән кешеләр нигез сала. Аларны бу урыннар­да урманнар булуы җәлеп итә, чөнки урман ашарга ризыгын, йортын, салкын­нарда җылынырдай учагын биргән. Урыны каенлык һәм сазлы булуы сәбәпле авыл­ны Каенсаз дип атаганнар. Халык игенчелек, терлек­челек белән шөгыльләнгән. Бүген дә авыл халкы тырыш­лыгы, җирлектәге эшләрне күмәкләшеп башкаруы белән дан тота, – диде җирлек баш­лыгы.

Каенсаз авылы тарихына күз салсак, 1904 елда биредә ике катлы мәчет салына. 1921 елда авылда Туры һәм Чүкеч исемле ике урам була. 1931 елда Каенсазда кол­хоз оеша, аны “Җиңәр” дип атыйлар. 1960 елда “Җиңәр” “Коммунизм” колхозы белән берләшә һәм аңа “Авангард” исеме бирелә. Ул елларда социаль-көнкүреш бина­лары төзү, игенчелек һәм терлекчелектән продукция алу буенча “Авангард” район­да алдынгы хуҗалыклардан санала. Ун колхозчы хөкүмәт орденнары һәм медальләре белән бүләкләнә, унбер кешегә – атказанган кол­хозчы, ә Салих Вилдановка Татарстанның атказанган ме­ханизаторы дигән мактаулы исем бирелә.

Каенсазлылар авыл­дашлары белән чиксез горурлана. “Кешеләр – авылыбызның бизәге”, – ди алар. Бәйрәмдә авылның иң өлкән кешеләрен искә алып, унынчы дистәләрен вакла­учы Зөбәрҗәт Гарипова, Мөгълифә Нуриәхмәтовага авыр крестьян хезмәтенә, ту­ган җиргә тугры булганна­ры өчен истәлекле бүләкләр тапшырылды. 50 ел тату, ти­гез гомер иткән Зөлфирә һәм Рафис Садриевлар гаиләсе дә хөрмәтләнде. Каенсазның юбилее уңаеннан оештырыл­ган бәйрәмне – Сабан туен шушы авыл кызы, Мөслим лицеенда укытучы булып эшләүче Резеда Моратова алып барды. Сабан туеның традицион уеннарында олы­сы да, кечесе дә бик теләп кат­нашты. Район үзешчәннәре бәйрәмне дәртле җырлары белән бизәде.