Иҗтимагый совет утырышында

21 ноябрь көнне район иҗтимагый советы утырышы үтте. Утырышта “Татарстан республикасын 2030 елга кадәр социаль-икътисадый яктан үстерү стратегиясен раслау турында”гы ТР законы кушымтасына үзгәрешләр кертү турында”гы закон проекты каралды. Закон нигезендә Стратегиягә сәламәтлек саклау, мәгариф, мәдәният, спорт, халыкны эш белән тәэмин итү, демография, социаль сәясәт, торак йортлар төзү, экология, эшмәкәрлеккә һәм халыкның тормыш дәрәҗәсен яхшыртуга кагылышлы булган үзгәрешләр кертелә. Утырышта катнашучылар өстәмәләр һәм үзгәрешләрне хупладылар. Фикер-тәкъдимнәрне исәпкә алып, проект бертавыштан расланды. (Закон проекты белән www.muslumirc.ru адресы буенча Матбугат үзәге сайтында танышырга мөмкин). Утырышта шулай ук мәгариф, мәдәният өлкәсендә күрсәтелүче социаль хезмәтләрнең сыйфатын бәяләү, мәктәпләрдәге түгәрәкләр эшчәнлеген өйрәнү мәсьәләләре дә уртага салып сөйләшенде