Интернеттан башка булмый

“РФ цифрлы икътисады” милли программасы кысаларында бу эш 2021 елга планлаштырылган иде. Нәтиҗәдә узган ел районда социаль әһәмияттәге 48 объект интернетка оптика аша ялганды. Әлеге объект­лар арасында 27 фельдшер-акушер­лык пункты, дәүләт власте һәм җирле үзидарә органнарының 10 объек­ты, җиде мәдәни-ял үзәге, ике ян­гын посты, Росгвардия объекты һәм китапханә бар. Әлеге программа кы­саларында 2019 елда – 11, 2020 елда 16 социаль объект оптикага күчте.

Республикада әлеге проектның операторы – “Таттелеком” ачык ак­ционерлык җәмгыяте.

– Интернетка керү мөмкинлеге булу – замана таләбе. Социаль як­тан әһәмиятле объектларны юга­ры тизлекле интернетка тоташты­ру еракта урнашкан һәм кече торак пунктларда элемтәне яхшырта, – ди “Таттелеком” җәмгыятенең Мөслим районындагы электр элемтәсе узелы җитәкчесе Марсель Әһлиев. – Компа­ния райондагы йортларны һәм фер­мер хуҗалыкларын югары тизлекле интернетка ялгау өчен челтәрләр төзүне дәвам итәргә планлаштыра.

Эшләрнең уңышлы баруында рай­он хакимиятенең дә ярдәме зур.

– “РФ цифрлы икътисады” мил­ли программасы җирлегебездә 2019 елдан гамәлдә. Бүгенге көнгә “Татте­леком” куелган бурычны тулысынча үтәде. Проект кече авылларны да үз эченә ала. Телеком-инфраструкту­ра дәүләт хезмәтләрен күрсәтүнең сыйфатын күтәрергә мөмкинлек бирә, димәк җирле халык белән ве­домстволар һәм власть органнары хезмәттәшлегенең нәтиҗәлелеге арта, – ди район Башкарма комите­ты җитәкчесе Альберт Хуҗин.

Ерак районнарны цифрлашты­ру заманча онлайн-сервислардан файдалану мөмкинлеген арттыра. Җирле медицина учреждениеләренә кабул ителүгә пациентлар дис­танцион языла ала, табиблар ре­гиональ һәм федераль клиника­лардагы хезмәттәшләре белән видеоэлемтәгә чыга ала, мәгариф учреждениеләре өчен түгәрәкләрне һәм өстәмә шөгыльләрне онлайн режимда үткәрү, документларны оператив рәвештә алмашу, дәүләт хезмәтләре порталыннан файдалану мөмкинлеге барлыкка килә.

2019 елдан 2021 елга кадәр “РФ цифрлы икътисады” милли про­граммасы кысаларында республи­када 1863 торак пунктта социаль әһәмияттәге 3527 объект оптика аша интернетка ялганган. Шуларның өч йөзгә якыны оптиканы беренче тап­кыр куллана. Объектларда интернет тизлеге 100 Мбит/с тәшкил итә. Про­ектны гамәлгә ашыруда “Таттеле­ком” җәмгыятенең ике меңгә якын хезмәткәре катнашкан.

Мөнирә Арсланова