Игътибар, бозга керү тыела!

"ТР гадәттән тыш хәлләр министрлыгы карары белән язгы ташу вакытында, төгәлрәге, 22 марттан алып 22 апрельгә кадәр боз өстенә керү тыела. Бу бигрәк тә балыкчыларга кагыла. Чөнки алар белән бәйле күңелсезлек очраклары да елдан-ел чыгып кына тора. Бу көннәрдә полиция, балык тотуга күзәтчелек итү хезмәте белгечләре махсус рейдлар үткәрәләр, хокук бозучыларга штрафлар салына, - ди район буенча гадәттән тыш эшләр бүлегенең әйдәп баручы консультанты Ленар Фәрхетдинов.