“Игътибар – балалар!” кисәтү акциясе үткәрелә

Май бәйрәмнәре чорында җирлегебездә “Игътибар – балалар!” кисәтү акциясе үткәрелә. Мөслимнең ДАИ хезмәткәрләре бу көннәрдә, юл хәрәкәте иминлеген саклап, көчәйтелгән режимда эшләячәк. “Шоферлар юлларда уяулыкны югалтмасыннар иде! Соңгы араларда светофорсигналларын санга сукмучылар саны артты. Узган атнада безнең хезмәткәрләр бакчага сабыйларын алып килгән әти-әниләргә яктылыкны кире кайтаручы элементлар тагуның мөһимлеге хакында белешмәлекләр таратты. Алга таба да бу юнәлештә эш дәвам итәчәк”, – ди ДАИ җитәкчесе Айнур Хәйретдинов.