Ярминкә гөрләде (фоторепортаж)

Мөслимнең үзәк урамында беренче көзге ярминкә бара.

Җирлегебез халкына тәкъдим ителгән авыл хуҗалыгы продукциясе, гадәттәгечә, бик мулдан.

Ярминкәгә көне дә кояшлы, җылы булды.

Сатудагы продукциягә тел-теш тидерерлек түгел. Халык ихтыяҗын тулысынча канәгатьләнерлек азык-төлек тә, кием-салым, көнкүреш товарлары да бар.

Үзебезнең Мөслим сатучылары белән Чаллы, Түбән Кама шәһәрләреннән, Сарман, Җәлилдән дә килгәннәр.

Ярминкәгә килүчеләрне авыл мәдәният йорты хезмәткәрләре, үзешчәннәр, фольклор коллективлары сәламләде.

Шунысы сөенечле: халык өчен продукция кулай бәядән тәкъдим ителә. Ит, балык, бал-май сатылган сәүдә нокталарыннан халык өзелеп тормый.

 Администрациянең матбугат хезмәте, Лилия Шәймиева фотолары.