Яңа стандартлар буенча, мәктәптә фәннәрне тирәнтен өйрәнү мәҗбүри булмаячак
Бу хакта Россия мәгариф министры Сергей Кравцов «РИА Новости» агентлыгына интервьюда сөйләгән
«2027 елның 1 сентябреннән урта гомуми белем бирүнең яңартылган федераль дәүләт белем стандарты гамәлгә керәчәк. Без укыту эчтәлеген гамәлирәк һәм заман таләпләренә туры килә торган итү бурычын куйдык», — дигән Кравцов.
«Яңа кагыйдәләр буенча укучылар барлык фәннәрне дә төп (база) дәрәҗәдә генә өйрәнә алачак. Моңа кадәр исә кимендә ике фәнне тирәнтен өйрәнү мәҗбүри иде», диелә бу хәбәрдә.
Министр сүзләренчә, математика, физика, химия һәм биология фәннәре программалары тормышта куллануга күбрәк юнәлтеләчәк. Шулай ук ясалма интеллект технологияләре белән эшләү күнекмәләре дә метапредмет нәтиҗәләр исемлегенә кертеләчәк.
«Проектны июль аенда раслау күздә тотыла», — дип йомгаклаган Сергей Кравцов.
Чыганак: «Интертат»
Фото – «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев