Яңа салым кагыйдәләре: Татарстан эшмәкәрләре нәрсәгә әзер булырга тиеш?

Мөслимдә Федераль салым хезмәтенең Татарстан Республикасы буенча 11нче санлы районара инспекциясе вәкилләре белән эшлекле очрашу узды.

Комиссия утырышында шулай ук район прокуроры ярдәмчесе Илвир Бәхтиев, район Башкарма комитеты җитәкчесенең беренче урынбасары Рамил Мухсинов катнашты. Очрашуга район авыл җирлекләре башлыклары, эшмәкәрләр, үзмәшгүльләр, крестьян-фермер хуҗалыклары вәкилләре дә чакырылган иде.

Чарада салым өлкәсендәге яңалыкларга, салым һәм башка мәҗбүри түләүләр буенча бурычлар темасына зур игътибар бирелде. Бу хакта район хакимиятенең матбугат хезмәте яза. 

Рәмилә Сәләмова фотолары.