Якташларыбыз иҗатын яраталар

Бәйгедә 1997-2023 елларда “Татнефть” хәйрия фондының “Рухият” программасында басылган татар, рус, чуваш һәм инглиз телләрендәге 240 китап катнашты. “Проза жанрында татар телендә иң күп укылган китап” номинациясендә Фәтхулла Абдуллинның “Кемгә сөйлим серләремне” романы – икенче, Фоат Садриевның “Көлке көлә килә” китабы өченче урынны алды. “Поэзия жанрында татар телендә иң күп укылган китап” номинациясендә Шәмсия Җиһангированың “Бәхетең үз кулыңда” китабы өченче урынга лаек булды. “Татар телендә иң күп укылган балалар китабы” номинациясендә Факил Сафинның “Әйдәгез, дуслашыйк!” китабы икенче урынга чыкты.

Фото – «Рухият» нәшрияте архивыннан