Хезмәтенә күрә хөрмәте

Мөслимгә "Татмелиорация" траст компаниясе генераль директоры Әнвәр Залаков килде. Әнвәр Мәхмүтович, "Алга" ПМК Мелиорация ААҖдә булып, оешманың җитәкчесе Васыйл Хамматовны юбилее белән котлады. В.Хамматовка озак еллар нәтиҗәле хезмәте өчен һәм 60 яше тулу уңаеннан ТР Авыл хуҗалыгы һәм азык-төлек министрының Мактау грамотасы, "Татмелиорация" траст компаниясе генераль директорының Рәхмәт хаты, "Мелиорация тармагы ветераны" медале һәм истәлек бүләге - Алтын кремль тапшырылды. Очрашуда "Алга" ПМК Мелиорация ААҖнә яңа җитәкче дә тәкъдим ителде. Ул - Әмәкәй егете Рузил Азат улы Мәүләветдинов.