Фотограф булу җиңелме?

Кем ничектер, минем, мәсәлән, фотоаппаратны кулга алу белән тизрәк төшерәсе килә башлый. Ләкин кайвакыт теләгән нәтиҗәгә ирешеп тә булмый. Бер үк кадрны кабат-кабат төшергәннән соң, фото теләгәннән дә матуррак килеп чыга. Белгечләр әйтүенчә, фотоаппаратка төшергән сурәтләр, чынбарлыктагыга караганда да ачыграк һәм тәэсирлерәк килеп чыга.

Телефонга бар кеше дә диярлек төшерә алса да, фотоаппаратны һәркем дә тулысынча аңлап бетерә алмый. Чөнки анда күп төрле режимнар, көйләнешләр бик күп. ISO яктылыкны тагын да көчәйтергә ярдәм итсә, MENU исә безгә фотоаппаратны дөрес итеп көйләргә булыша. Фотоаппаратның төрләре дә бик күп.

Әлбәттә, фотога төшерү өчен шартлар да булырга тиеш. Аңа хәтта һава торышы да тәэсир итә. Болытлы көндә, билгеле, сурәтләр караңгы чыга. Аяз көндә кояшка каршы төшерсәң дә, фото караңгы булачак. Хәтта кояш болыт арасында булса да. Тагын бик мөһим таләп: фотоаппарат тоткансың икән, кыюлыгың да җитәрлек булырга тиеш. Нинди дә булса вакыйга барган вакытта халык каршына чыгып басарга кыюлыгың да, әрсезлегең дә җитәрлек булу кирәк.
Бүген бик күпләр тормышын социаль челтәрләр белән бәйли. Күргән- белгәнен тизрәк социаль челтәрләргә элеп куя.

Үзем дә фотога төшерергә бик яратам. Табигать күренешеме, нинди дә булса вакыйга яки зур чарамы – тормышның күп мизгелләрен кадрга эләктереп калырга тырышам. Әлеге фотоларны башкаларга да тәкъдим итәм. Сизәм: бу мавыгуым дәвамлы булыр кебек.

Раушан НИГЪМӘТУЛЛИН.

Ташлыяр.

Автор фотосы.