Ел йолдызларыннан котлаулар: Наталья Жданова

"Ык" агрофирмасының "Новый путь" хуҗалыгы машина белән сыер саву операторы:

- Ел тыныч һәм минем өчен уңышлы булды - мин август аенда узган машина белән сыер саву операторларының республика конкурсында беренчелекне алдым һәм Татарстан Республикасы чемпионы исеменә лаек булдым. Район үзәгендә дә бик күп уңай үзгәрешләр булды, ял итү өчен урыннар ясалды. Миңа аеруча "Кояшлы Ык" яр буе ошый. Райондашларыбызга сәламәтлек, бәхет телим. Һәрберегезнең тормышын яхшы вакыйгалар гына бизәсен. Балаларыбыз сәламәт булып, шатлык-куанычлар гына китерсеннәр. Яңа ел белән!