Декларация тапшыру бара

2021 елда гражданнар күчемсез милекне, милек хокукларын һәм башка милекне реализацияләүдән; кыйммәтле кәгазьләрне сатудан; ло­терея операторларыннан, букме­кер контораларында һәм тотализа­торда үткәрелүче азартлы уеннарны оештыручылардан отыш рәвешендә; гражданлык-хокукый характердагы килешүләр буенча физик затлардан; чит ил чыганакларыннан керем алу­чылар яшәү урыны буенча салым ор­ганына 3-НДФЛ формасы буенча де­кларация тапшырырга тиеш.

РФ Салым кодексының 217 маддәсе 18.1 пункты нигезендә физик затлар­дан бүләк итү тәртибендә алынган (күчемсез милек, транспорт чарала­ры, акцияләр, өлешләр, пайлардан кала) акчалата яисә натураль форма­дагы керемнәргә салым салынмый. Димәк физик зат башка физик зат­тан бүләк бирү тәртибендә акчалата керем алган очракта әлеге керемнәр физик затлар кеременә салым салу­дан азат ителә.

Күчемсез милекне бүләк рәвешендә алган очракта керемнәргә салым са­лынырга мөмкин (гаилә әгъзасы яисә якын туганың бүләк иткән очрактан кала), монда бүләк ителгән милекнең кадастр бәясе исәпкә алына. Гаилә әгъзаларыннан яисә якын туганнар­дан алынган һәртөрле бүләккә НДФЛ каралмаган.

Тормыш иптәшләре, ата-аналар һәм балалар (шул исәптән уллыкка алучылар һәм уллыкка алынучылар), бабайлар, әбиләр һәм оныклар, бер­туганнар һәм әтиләре яисә әниләре бер булган ир һәм кыз туганнар гаилә әгъзалары һәм якын туганнар булып исәпләнә.

Бүләк итүче якын туган булма­са (мәсәлән, туганының балалары, иренең әти-әнисе, туганнан туган­нар һ.б.), бүләкне алган физик зат мон­дый салымны мөстәкыйль рәвештә исәпләп, исәптә тору буенча салым органына физик затлар керемнәренә салым буенча декларация тапшырыр­га һәм салымны түләргә тиеш.

Якын туган булмаган затлар­дан транспорт чаралары, акцияләр, өлешләр, пайларны бүләккә алучы­лар 3-НДФЛ формасы буенча декла­рацияне 2022нче елның 15 июленә кадәр тапшырырга бурычлы, дип хәбәр итәләр ТР буенча Федераль са­лым хезмәтенең 11 санлы районара инспекциясеннән.

Мөнирә Арсланова.