ДАИ автоинспекторлары гүзәл затларны тәбрик итте
ДАИ хезмәткәрләре хатын-кызларны бәйрәм белән котлап чәчәк гөлләмәләре тапшырды һәм юлларда исән-имин йөрүләрен теләде.
Халыкара хатын-кызлар көне уңаеннан районның ДАИ автоинспекторлары гүзәл затларны тәбрик итте. Юлда документларны тикшерү урынына ДАИ хезмәткәрләре хатын-кызларны бәйрәм белән котлап чәчәк гөлләмәләре тапшырды һәм юлларда исән-имин йөрүләрен теләде.
-ДАИ инспекторлары бәйрәм кәефен арттырып, җылы теләкләр җиткерде, яз чәчәкләре -ләлә гөлләмәләре бүләк итте. Юлларда барыбызга да исән-сау йөрергә язсын! - диде Регина Вәлиева.
Районның ДАИ җитәкчесе Феликс Мәгъданов руль артындагы барлык хатын-кызларга да җылы теләкләрен җиткерде:
-Хатын-кызларсыз дөнья матур булмас иде! Алар - сабырлык, гүзәллек үрнәге. Бәйрәм белән, сөйкемле һәм гүзәл ханымнар, кызлар, әниләр, әбиләр, апалар!
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев