Чаллыда көчле җил аркасында биек кран ауган, кранчы хатын-кыз һәлак булган

Бүген Чаллының Тынычлык проспектында биек кран ауган. Бу вакытта аның эчендә хатын-кыз булган.  

Россия Гадәттән тыш хәлләр министрлыгының Татарстан буенча идарәсе матбугат хезмәтендә хәбәр итүләренчә, ауган кран төзелеш мәйданчыгындагы коймаларны да җимергән.

Агентлыкның үз хәбәрчесе белдергәнчә, фаҗига урынына килгән коткаручылар 48 яшьлек кранчы хатын-кызны кран эченнән чыгарган. Ул һәлак булган.