Бурыч – оныкларны тәрбияләү

Элеккеге елларда төрле тар­макларда эшләгән мөслимлеләр “Ислам нуры” мәхәлләсенең Әсгать мәчетенә җыелды. Бу оч­рашуны район мөхтәсибәте кар­шындагы аксакаллар шурасы һәм иҗтимагый совет оештырды.

Мондый очрашу-аралашулар­ны традициягә кертергә кирәк, диде Расих хәзрәт Каюмов, чара­ны ачып. Район мөхтәсибе Илгиз хәзрәт Сөнгатулла вәгазь сөйләп, Коръән укыганнан соң, район иҗтимагый советы җитәкчесе Ру­шат Солтанов сүз алды.

Гадел хезмәт белән зур дәрәҗәләргә ирешкән авыл егетләре бүген инде аксакаллар, балаларын үстереп, инде оны­кларын тәрбияләшәләр. Күпләре мәктәпләрдә балалар белән оч­рашып, тормыш тәҗрибәләре белән уртаклаша, шулай итеп яшь якташларын тәрбияләүгә үзләреннән зур өлеш кертә.

– Өйләребезгә су кергән- чыккан, керне машина юа, утын кисәсе-ярасы юк. Нәтиҗәдә бүген балаларыбыз эш эшләмичә үсә. Ә бит кешене бары тик хезмәт, шөгыль чыныктыра. Бала кайчан үзе өчен үзе тырышачак соң?! – дип, Рушат ага тормыштан үтемле мисаллар китереп сөйләде. Башка­ларны кебек үк аны да милләт бу­ларак югала баруыбыз, телебездән ваз кичү проблемалары да бор­чый. Оныкларыбыз аңына мил­ли гореф-гадәтләрне сеңдерү, те­лебезне өйрәтү – барыбызның да бурычы, диде ул.

Мондый рухта сөйләшү, фи­кер алышу, алга бурычлар кую, истәлекләр яңарту чәй өстәле ар­тында дәвам итте.

Мөнирә Арсланова.

Айрат Фазылов фотосы.