Бүген район хакимиятенең актлар залында атналык планлаштыру буенча киңәшмә үтте

Ул иң элек узган атнада район күләмендә үткәрелгән чараларга нәтиҗә ясады һәм фикерләрен җиткерде. Район башлыгы үз чыгышында махсус хәрби операция зонасына бару турындагы хис-кичерешләре белән уртаклашты. Хәрби операциядәге егетләргә ярдәм күрсәткән, ярдәм җыйган барлык оешма-предприятиеләргә, мөслим халкына һәм һәр эшне оештыручы волонтерларга тирән рәхмәтен җиткерде.  Татарстан халыклары ассамблеясенең Мөслим бүлеге җитәкчесе Рушат Солтанов Х Евразия форумында катнашуы һәм аннан алган тәэсирләре хакында сөйләде. Симәк авыл җирлеге башлыгы Рифас Садретдинов авыл җирлегендә башкарылган эшләр, җирлектә бүген халыкның  яшәеше белән таныштырды.

Фото - район хакимиятенең матбугат хезмәтеннән.