Бу көнне Мөслимдә

1971 ел

16 сентябрь

Рәхмәтебез зур

“Маяк” колхозының Олы Чакмак бригадасында берничә ел балалар бакчасы эшли. Ул бе­лемле, тиешле квалификацияле кадрлар белән тәэмин ителгән. Яңа гына педучилище бетереп кайткан кызлар – Гөлмаһира, Мөнирә, Рафия ата-аналарның ихтирамын яулап өлгерделәр.

Р.Сафина.

Газетада басылмаса да

Халыкны газ белән ва­кытында тәэмин итмәү, мах­сус работникларның газ бал­лоннарын теләсә кемгә биреп җибәрүләре турында язылган хәбәрче хаты тикшереп чара күрү өчен район Советы баш­карма комитеты председа­теле урынбасары П.Ивановка җибәрелгән иде. Ул хәбәр итүенчә, хатта язылганнар рас­ланган. Коммуналь хуҗалык работниклары белән киңәшмә үткәрелгән, хуҗалыкларны газ белән тәэмин итүдәге кимчелекләрне бетерү буенча эшлекле чаралар күрелгән.

21 сентябрь

Удар ункөнлектә

Кичәге көнгә район хуҗалыкларыннан Ватан ам­барларына 28634 тонна аш­лык озатылды. Район буен­ча 600 гектардан күбрәк куку­руз урасы, 700 гектар чамасы бәрәңге, 450 гектардан артык шикәр чөгендере аласы бар, 300 гектар чамасы кишер алынып бетмәгән. Дәүләткә бәрәңге һәм чөгендер тапшырыр чак җитте.

Шефлар ярдәме

“Сельхозтехника”ның рай­он берләшмәсе шоферлары М.Вахитов исемендәге колхоз хезмәтчәннәренә зур булыш­лык күрсәтте. Алар басудан һәм ындыр табагына һәм дәүләтнең хәзерләүләр пунктларына аш­лык ташыдылар.

Р. Фәрдиева,

диспетчер.

Маяклылар сүзләрендә

торалар

“Маяк” колхозы членнары 1972 елга һәр 1 мең кешегә 1300 данә газета-журналга язылырга йөкләмә алды. Сүзләрендә нык торалар. Шуган һәм Олы Чакмак элемтә бүлекчәләрендә газета- журналларга язылу төгәлләнеп килә.

М. Дәүләтшина.

23 сентябрь

Октябрь алды вахтасы

13 номерлы Алга күчмә ме­ханикалаштырылган колонна эшчеләре һәм инженер-техник работниклары Бөек Октябрь со­циалистик революциясенең 54 еллыгын лаеклы каршылау өчен ярыш җәелдерделәр. М.Вахитов исемендәге һәм “Урожай” кол­хозларында (219 һәм 250 гектар­да) культуралы көтүлекләр төзү удар темп белән бара. Бәйрәмгә кадәр алар сафка керәчәк.

Ә. Шәрипов, партоешма секретаре.

Сәхифәне Мөнирә Арсланова әзерләде.