Бу бик зур җиңү

 Районыбызның йөзек кашы булган “Мөслим тугайлары” фольклор ансамблен Россиянең "Мәдәният" милли проекты кысаларында уздырылучы һәвәскәр иҗат коллективларының Бөтенроссия фестиваль-конкурсында гран-при яулавы белән тәбриклибез!
Бу көннәрдә алар Сарман, Минзәләдә концертлар куеп, Г. Тукай исемендәге дәүләт филармониясендә республикабызның фольклор ансамбль җитәкчеләре алдында мастер-класс та күрсәтте. Декабрь аенда ансамбль Мәскәү тамашачысы алдында чыгыш ясар дип көтелә.