Бердәм дежур диспетчерлык хезмәте

Бердәм дежур диспетчерлык хезмәте Мөслимдә 2012 елдан эшли башлады. Ул районның янгын сүндерү сагында урнашкан. Оешмада Миләүшә Вәҗетдинова кул астында дүрт диспетчер хезмәт куя. Эш урыннары персональ компьютерлар, телефон элемтәсе, радиостанцияләр, сирена кабызу җайланмасы белән җиһазландырылган. 112 хезмәтенә  төрле күңелсезлекләр һәм фаҗигаләр килеп чыкканда  шалтыратырга мөмкин. Әлеге  хезмәт янгын  сүндерүчеләр, полиция, ашыгыч медицина ярдәме һәм газ хезмәте белән генә түгел, электрчылар, коммуналь  хезмәтләр һәм юлчылар белән дә тыгыз элемтәдә тора.