Айга бер мәртәбә уздырыла торган имамнар җыелышы «Җәмигъ» мәчетендә үтте
Чара барышында гошер сәдакасы җыю, «Хаҗилар җыены»н оештыру, гыйлем алу һәм бирүнең әһәмияте, мәчетләрдә һәм мәдрәсәдә башланып китәчәк дәресләр хакында сөйләшенде
Район башлыгы урынбасары Азат Әхмәтҗанов мәчетләргә дәүләт теркәве уздыруның мөхимлеген аңлатты һәм бу процедураны оешканлык белән башкарып чыгарга өндәде.
Эчке эшләр бүлеге җитәкчесе Альберт Шакиров террорчылыкны булдырмау өчен уяулыкны көчәйтергә, күпләп таралган мошенниклык очракларыннан сакланырга чакырды, кырыгалдарлар тарафыннан зыян күргән, акчасын югалткан, кредит түләргә мәҗбүр булган кешеләр турында мисаллар китерде.
Имам - хатыйблар үзләрен кызыксындырган сорауларга җаваплар алдылар.
Фотолар - Мөслим районы мөхтәсибәтеннән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев