29 гыйнвар көнне берьюлы ике машина янган

29 гыйнвар көнне җирлегебезлә ике машинага ут капты. Ташлыяр авылында "Лада-калина" хуҗасы машинасын кабызып, җылына торганчы дип өенә кереп китә. Баласын күтәреп чыкканда, капка каршындагы юлда торган машинага үт капкан. Электр чыбыгындагы төзексезлек аркасында машина тулысынча янып бетә. Шул ук көнне Иске Карамалы авылындагы тукталышта да юлда барган "Киа-Рио" машинасы ут каба. Машинаның механик узелларындагы техник яктан төзексезлеге сәбәпле килеп чыккан әлеге янгында чит ил машинасының двигателе, салрны янган. Машиналарга ут кабу вакыты иртәнге 9-10 сәгатьләрдә теркәлгән.