Чүп яндырган өчен штраф каралган

Күпләр бәрәңге ала башлады. Корыган яфрак һәм бәрәңге сабагы яндырган өчен административ беркетмә төзү каралган. “Чүп яндырган өчен физик затларга 5-15 мең сум штраф каралган. Юридик затларга 400 мең сумга кадәр штраф салына. Бәрәңге сабагын яндырган очракта, учак каралты-курадан һәм биналардан кимендә 15 метр ераклыкта ягылырга, тирә-ягы казылган һәм янәшәдә чиләк белән су булырга тиеш. Ә иң яхшысы – бәрәңге сабагын бакчаның берәр почмагына күмеп, черегәнен көтү һәм киләсе елга аны ашлама итеп куллану”, – ди Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Вильям Тайбактин фотосы