02 хәбәр итә

“Мәк” операциясе барышында бер райондашыбыздан 143 грамм наркотик матдә табып алынган һәм җинаять эше кузгатылган. Оператив чаралар барышында Вәрәшбаш авыл җирлегендә бер шәхси ихатада 46 төп наркотик матдәле кыргый үсемлек ачыкланган. Әлеге факт буенча да тикшерү эше бара. “РФ Җинаятьләр кодексының 231 маддәсе нигезендә мәк һәм киндерне законсыз үстергән өчен штраф яки 3 елдан 8 елга кадәр иректән мәхрүм итү каралган”, – дип хәбәр итә район эчке эшләр бүлегенең полиция җитәкчесе Булат Замалиев.

Гөлназ Җәлилова фотосы