Мөслимнән дүрт укытучы Р. Фәхретдин укуларында катнашып, җиңү яулады

27 нче гынвар көнне Чаллы шәһәрендә XIV Республика Ризаэтдин Фәхретдин укулары булып узды. Ул укуларда безнең районнан финалга үткән 4 укытучы: Тойгельде төп гомуми белем бирү мәктәбеннән татар теле һәм әдәбияты укытучысы Раушания Давлетова, Олы Чакмак төп гомуми белем бирү мәктәбенең татар теле һәм әдәбияты укытучысы Инзилә Әюпова, Күбәк урта гомуми белем бирү мәктәбенең татар теле һәм әдәбияты укытучысы Гөлнар Нәҗмиева һәм Түбән Табын төп гомуми белем бирү мәктәбенең тарих һәм җәмгыять белеме укытучысы Рәсилә Әхмәтвәлиева катнаштылар. Алар һәрберсе билгеләнгән секцияләрдә чыгыш ясап, җиңүчеләр булдылар һәм Татарстан Республикасы Мәгариф һәм Фән Министрлыгының Дипломнары белән бүләкләнделәр, дип хәбәр итәләр район мәгариф идарәсеннән.