Комиссия утырышы узды

Район башкарма комитеты каршында эшләүче балигъ булмаган балалар белән эшләү һәм аларның хокукларын яклау буенча комиссиянең чираттагы утырышында сигез эш каралып, алар буенча тиешле карарлар кабул ителде. Аерым алганда, балалары вакытлыча алынган ике гаиләгә сабыйларын кире кайтару мәсьәләсе тикшерелеп, уңай хәл ителде; комиссиядә исәптә торган бер үсмер үрнәк тәртибе өчен учеттан төшерелде; бала тәрбияләүдә ата-ана бурычын тиешенчә үтәмәгән 5 әти-әнинең тәртибе тикшерелеп, аларга РФ нең Административ хокук бозулар турындагы кодексының аерым маддәләре нигезендә административ штраф билгеләнде.