Баек авылында Мирза Гаттаровны искэ алдылар

Мөслим районында бөтенхалык тарафыннан танылу алган шәхесләр, легендар җитәкчеләр бихисап. Бүген шуларның берсе - чирек гасырга якын "УРАЛ" колхозы рәисе булган Гаттаров Мирза Бәлүл улын искә алу һәм язучы Илүсә Набиууллинаның аңа багышлап чыгарган китабын китап укучыларга тәкьдим итү кичәсе үткәрелде. Баек авылы җирлегендә үткәрелгән әлеге кичәдә хезмәт героеның райондашлары, хезмәттәшләре, дуслары, авылдашлары, балалары, туганнары катнашты.Үтә җылы , эчкерсез шартларда үткән кичәне район үзешчәннәре үзләренең чыгышлары белән бизәделәр.