Рамазан кубогына волейбол ярышы үтте
«Яшьлек» спорт залында Рамазан кубогына волейбол ярышы үтте. Бәйгедә Мөслим районыннан 8 команда көч сынашты.
Катнашучыларны яшьләр эшләре һәм спорт бүлеге җитәкчесе Илшат Яббаров сәламләде. Җәмил хәзрәт Газыймов катнашучы командаларга уңышлар теләде, бүләкләр фонды турында искәртте. Спорт мәктәбе директоры Шамил Мадъяров спортчыларны уен тәртибе белән таныштырды.
Уен нәтиҗәләре түбәндәгечә булды.
1. «ИЛТРАНС» командасы;
2. «Сети» командасы;
3. «ПМ» командасы.
Җиңүче командаларга һәм иң яхшы уенчыларга дипломнар, медальләр һәм истәлекле бүләкләр тапшырылды. Җәмил хәзрәт хөкемдарларга рәхмәтен җиткерде, бүләкләр бирде.
Рәмилә Сәләмова фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев