Мөслим-информ

Муслюмовский район

18+
Социаль фонд

Тернәкләндерү чараларын – электрон сертификат ярдәмендә

2025 ел башыннан Татарстан халкы электрон сертификатлар ярдәмендә 2595 техник тернәкләндерү чарасы сатып алган. Бу максатка Социаль фондның Татарстан бүлеге 62 миллион сумнан артык акча юнәлткән

– Электрон сертификат – гражданнарга тернәкләндерү программасында (ИПР) тәкъдим ителгән реабилитация яки протез-ортопедия әйберләрен сатып алырга мөмкинлек бирә торган түләү инструменты. Сертификат банк картасы кебек эшли: товар өчен гади сәүдә нокталарында да, онлайн-кибетләрдә дә тиз арада тоткарлыксыз түләп була, – дип аңлатты Социаль фондның Татарстан бүлеге идарәчесе Эдуард Вафин.
Сертификатлар ярдәмендә, заказга эшләнгән индивидуаль эшләнмәләрне дә кертеп, 300дән артык тернәкләндерү чарасы сатып алырга мөмкин.
Сертификатны инвалидлыгы булган кешеләр, производствода зыян күргән яки һөнәри авыру алган гражданнар рәсмиләштерә ала. Сертификатта аның гамәлдә булу вакыты, аның ярдәмендә сатып алырга мөмкин булган тернәкләндерү эшләнмәләренең төрләре һәм саны турында мәгълүмат бар. Шулай ук тернәкләндерү чарасының өстәмә акча сарыф итмичә генә түләп булган максималь бәясе дә күрсәтелгән.
Электрон сертификатның тагын бер уңайлылыгы шул: аны рәсмиләштерү өчен, гаризаны өйдән чыкмыйча гына Дәүләт хезмәтләре порталы аша биреп була. Россия Социаль фонды сайты каталогында кирәкле техник тернәкләндерү чарасын мөстәкыйль рәвештә сайларга, аның бәясен белергә, түләүне электрон сертификат белән кабул итүче кибетләрнең җитештерүчесен һәм адресларын ачыкларга мөмкин. 
Дәүләт хезмәтләре порталыннан тыш электрон сертификатны рәсмиләштерүгә гаризаны ТР Социаль фонды бүлекләрендә һәм күпфункцияле үзәкләрдә бирергә мөмкин. Иң мөһиме: сертификат алу өчен гражданнарның “Мир” түләү системасының банк картасы булырга тиеш. “Гариза биш эш көне эчендә карала, ә кабул ителгән карар турындагы хәбәр мөрәҗәгать итүчегә өч эш көне эчендә җибәрелә”, – дип хәбәр итәләр Россия Социаль фондының Татарстан бүлегеннән.

Фото – «Татар-информ» архивыннан 

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев