Пенсия, пособиеләр артты
Җирлектә 6648 кеше пенсия һәм пособие ала
РФ Социаль фондының Мөслим районындагы клиент хезмәте җитәкчесе Фәридә Ганиева белән 2025 елга куелган бурычлар хакында сөйләштек.
– Фәридә Урмановна, Социаль фонд гражданнарга нинди төр хезмәт күрсәтә?
– Россиянең Социаль фонды төрле категориядәге гражданнарга пенсия түләү һәм социаль тәэмин итүне гамәлгә ашыра. 2024 елда клиент хезмәте белгечләре 14088 мөрәҗәгать кабул иткән. Аларның 520е – язмача гариза һәм 8268е – гражданнардан телдән кергән мөрәҗәгать.
– Мөслим районында пенсиянең уртача күләме ничә сум тәшкил итә?
– Җирлектә 6648 кеше пенсия һәм пособие ала. Аларның 5440ы – яшь буенча иминият пенсияләре алучылар. Район буенча барлык төр пенсиянең уртача күләме – 20350,06 сум. Районыбызның 908 пенсионеры эшләвен дәвам итә. Картлык буенча пенсиянең уртача күләме – 20368,54 сум. 2025 елның 1 гыйнварыннан иминият пенсияләре 7,3 процентка артты. Бу арту ел саен индексацияләнә торган пенсиягә – эшләмәүче пенсионерларга да, эшләүчеләргә дә кагылды. Моннан тыш, Россия Федерациясе Президенты йөкләмәсе нигезендә картлык буенча иминият пенсияләре 9,5 процентка кадәр индексацияләнде. 1 февральдән барлык социаль түләүләр 9,5 процентка индексацияләнде. Социаль пенсия күләме апрель аенда 14,75 процентка арттырылачак.
Фото – Мөслим-информ архивыннан
Тулырак «Авыл утлары» газетасының 28 февраль санында укыгыз
Безнең телеграм каналга кушылыгыз! Телеграм-канал
Нет комментариев