Узган елны 6200 райондашыбыз диспансерлаштыру узды

Быел районыбызда 6849 кеше – диспансерлаштыру, 1466 кеше – профилактик күзәтү, коронавирус белән авырган 960 кеше тирәнтен диспансерлаштыру узарга тиеш. Профилактик күзәтүне 18-38 яшьлекләр ике елга бер мәртәбә үтәргә бурычлы. Бүгенге көнгә 400гә якын райондашыбыз район хастаханәсендә тикшеренү үтеп, анализлар тапшырган. “Былтыр 6200 райондашыбыз диспансерлаштыру узды. 316 кешенең анализларында үзгәрешләр булып, 48 кешедә онкологиягә шик туды. 23 кешедә онкологик авырулар расланды. Яман шеш авырулары күпчелек үпкәдә, бавырда, хатын-кызларның сөт бизләрендә, тиредә, тамакта, эчәклекләрдә ачыкланды. 17 кешедә шикәр диабеты, 78 кешедә ашкайнату органнары авырулары, 168 кешедә башка төр авырулар табылды”, – ди хастаханәнең диспансерлаштыру кабинеты шәфкать туташы Миләүшә Миңнегалиева.

Фото - Мөслим-информ архивыннан